بعض الشعر بحق رئيس الأمة الصابئية / عماد الماجدي

                                                                                                                      
                            
                             ابـشـومـَيـهون اد هيي ربي
                         الحبيب عبد الرزاق شمخي المحترم
                         تـحيـّة صابئيـّـة إلـيك ولأهلي الصابئة
     بعض الشعر بحق رئيس الأمة الصابئية ريش أمـّـا عبد الله الشيخ نـجـــم
     يـَبـِن شمخي الجبـَـل شـامُخ              نـافـُــًك الـرايـد يـِـدَمـره
     مادِرَه لـو أكـَـل خـُـبـزه                   لازم ايخـلـّـيـلـَه خـُمـره
     ذول هـَفـْـتـَه او طـُفـَـت تبْجي            تِـبْجـي ماوَلـَّدَت جـَمـرَه
    غـمهـَه خالي الرّوح غمْهـَه               من حِـقِـدهـَه اشوكِـت تـُبرَه؟
    ماعِرَف أيـّام تـركِـض                      مـاعرف لـو ألف عـُـمـْـرَه
     يـِجي يـوم ايـمـوت ، والله               اوماعِـرَف لـيـويـن أمـرَه
    اومـادرَه الـدنـيـَـه تِـغِـرّه                  ابـلـَحـْظـه ياخـالي تِـشـُمـرَه
    بـَـشـر لـو يتـعـظ لازم                     يـعـرف اشـكًـد غـُمـُج نـَهـرَه
    تِـلـِم خالي اونجني كِـلـشي                اوتـالي ويلي ابوسط حـُفـرَه
   اقـماشي مانِـدري يكـَـفـّـي                  لـويـعـوز انـريـد شـَمـْرَه
    ليش تِــِبـجي خالي فِـدوَه                 امـْن ابـو رافِـد إخِـذ عِـبـرَه
   الـكًصـَب من جابـَه رافِــد                  جـان يابـس عـود شِـجـرَه
    اومن بِـدَوْ سـوَّو شِـريجـَـه               خـضـّر او بانـَت البـُشـرى
    إجـَه (مَـلـْكي) ...! اعليـه سـَـلـّـم          طِلـَب من عِـندَه الأمـانـَه اوفِتـَح صـَدرَه
    ضِـحك ريش امـّه اليـَهانا   كًـلـّـه خـل (أبرخ) دخيلك لِـبـَس رسـْتـَه اوكًـام يـقـرَه
   والـتِـفت (رافِـد) يـِسـِألـه                   شِـنهِي بـويـَه اليوم سـَفـرَه؟
   جـاب مركًـنـتـه اوطـُمشـهه                و(الأباثـر) صـار شـَطرَه
   خـَلـّص ابـْـراخة ْالهيي                      او راد (الِقـْمـاشي ) يـِسـّره
   يـَردِنـةْ ْ ماري شـَربـهـَه                    اوباس ولـْدَه اوحِـزم أمـْرَه
  طِـلـَب من عـدهـُم الـزفـّه                     والـدرافـش كًبـْـلـَه تِـسـرَه
  اوحِضر (هبشابـَه) يـوَدعـَه                  او (ناطـْري الحق) الـْيـِنـِطـْرَه
  بـَنـجـه والأيـّام خمـْسـَـه                     خِـلـق بيـهـَه الصبـّه خِـثـرَه
  اورافِـد النشمي يـِشـبكـًـه                    كًـلـّه بـويـَه الـدِنـْيـَه عِـبـرَه
  وَدَّعِـت (صَبـتِـي أمـانـَه)                    عِـنـدك او أحـفـظ الـبـَذره
  صبـّه بـويـَه ـ الولِـد صبـّه                  درَر كِـلـهم ، أهـُـم نـِـدرَه
  اوسـَلـّم اعلـَه الصبـّه كِلهُم                 غـُفـَت عينـَه اوسـِكـَت صـدرَه
  والهلاهِـل فِــشـًك يـِدوي                    والـْمـِسـِج هالـْـفاح عِـطـْرَه
  جـابـَوْ ايـدفـنون (جِـسـمـَه)                اتـرابـَه هلهـل ضِـحـَك كًـبرَه
  كًـال (ابو رافِـد) اجاني                      خِـجـل كِـلـّـه اوفِـتـَح صـَدرَه
  كًـال بـَس (الـْجـَسـَد) هـذا                   نشـْمثاه الـهـَيـّي تِــسْـرَه
  واسـمـَعِت بالـْبـُوَث (شمخي)              اروادهيي اوبيهـَه تِـقـره
  موش (موت) ، الـعِـرِس هذا              والـْبـَشـَر تاريخـَه عـُمـرَه
  لـكِـن الـتاريخ يـِكـتِـب                       مـاخِـلـَص فـَـد يـوم حِـبـْـرَه
 يـَبـِن شمخي الجبـَـل شـامُخ                (مـارق) الـْرايـد يـِـدَمرَه